Updated : 11/11/2021 13:35 IST

ఉద్యోగి పనిగంటలు ముగిశాక ఫోన్‌చేస్తే.. బాస్‌కు జరిమానా..!

ఇంటర్నెట్ డెస్క్‌: పని గంటలు ముగిసిన తర్వాత కూడా ఒక్కోసారి ఆఫీస్‌ నుంచి ఫోన్‌కాల్స్‌, సందేశాలు వస్తుంటాయి. ఇంట్లో వాళ్లతో గడిపే సమయం కాస్త పనితోనే సరిపోతుంది. వర్క్‌ ఫ్రమ్ హోం సమయంలో ఇలాంటి పరిస్థితి ఎక్కువగా ఉంటోందని ఉద్యోగులు అభిప్రాయపడుతున్నారు. వ్యక్తిగత గోప్యత తగ్గి, అధికారుల జోక్యం పెరిగిందని ఉద్యోగులు భావిస్తున్నారు. ఈ కొత్త సంస్కృతితో ఉద్యోగులకు ఎదురవుతోన్న ఇబ్బందులను గుర్తించింది ఐరోపా సమాఖ్యలోని పోర్చుగీస్. అందుకే అక్కడి ఉద్యోగుల గోప్యతకు భంగం కలిగించే యజమానులకు జరిమానాలు విధించేందుకు సిద్ధమైంది. అందుకు తగ్గ కార్మిక చట్టాలను ఆమోదించింది.

తమకు నచ్చిన ప్రదేశం నుంచి ఆన్‌లైన్‌లో పనిచేసే వారిని (డిజిటల్‌ నొమాడ్స్‌) ఆకర్షించేందుకు, ఉద్యోగుల పని-వ్యక్తిగత జీవితం మధ్య సమతౌల్యతను తీసుకువచ్చేందుకు పోర్చుగల్ ఈ కొత్త చట్టాలను ఆమోదించింది. ఈ విషయాన్ని అక్కడి మీడియా సంస్థలు పేర్కొన్నాయి. ఈ కొత్త చట్టాల ప్రకారం.. ఉద్యోగి పని గంటల పూర్తయిన తర్వాత కూడా యజమానులు తమ సిబ్బందిని సంప్రదిస్తే అపరాధ రుసుం చెల్లించాల్సిందే. అలాగే కరోనా కారణంగా కొందరు ఉద్యోగులు ఇంటి నుంచే పనిచేస్తున్నారు. ఇళ్లే తాత్కాలిక కార్యాలయాలుగా మారాయి. దాంతో గ్యాస్‌, ఇంటర్నెట్‌, విద్యుత్‌ వినియోగంతో ఉద్యోగుల ఖర్చులు ఎక్కువయ్యాయి. ఇప్పుడు యజమానులు వాటిని కూడా చెల్లించాల్సి ఉంది. అలాగే ఉద్యోగుల పిల్లలకు ఎనిమిది సంవత్సరాలు వచ్చే వరకు యాజమాన్యం నుంచి అనుమతి పొందకుండానే ఇంటి నుంచి పనిచేసే వెలుసుబాటు కల్పించారు. 

అయితే గత ఏడాది కాలంగా విస్తృతంగా పెరిగిన వర్క్‌ ఫ్రమ్‌ హోం సంస్కృతికి తగ్గట్టుగా ఉద్యోగుల కోసం ప్రవేశపెట్టిన బిల్లుల్నింటికి మాత్రం ఆ దేశ పార్లమెంట్‌లో ఆమోదం దక్కలేదు. పనిగంటలు ముగిసిన తర్వాత తమ పరికరాల్ని డిస్‌కనెక్ట్‌ చేసే హక్కును కల్పించే బిల్లుకు తగిన మద్దతు దక్కలేదు. కాగా, మారిన పని సంస్కృతికి తగ్గట్టుగా చట్టాలు తీసుకురావడం ఆహ్వానించదగ్గ అంశమని విశ్లేషకులు అభిప్రాయపడుతున్నారు. 

Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని