PV Sindhu: తిరుమల శ్రీవారిని దర్శించుకున్న పీవీ సింధు

తిరుమల: భారత స్టార్‌ షట్లర్‌, ఒలింపిక్‌ పతక విజేత పీవీ సింధు తిరుమల శ్రీవారిని దర్శించుకున్నారు. కుటుంబసభ్యులతో కలిసి ఆమె తిరుమల స్వామి వారి దర్శనానికి వచ్చారు. దర్శనం అనంతరం తీర్థ ప్రసాదాలు, స్వామి వారి చిత్ర పటాన్ని అర్చకులు ఆమెకు అందజేశారు.

సింధుతో పాటు ఏపీ మంత్రి మేకపాటి గౌతమ్‌రెడ్డి, ఏపీ అధికార భాషా సంఘం అధ్యక్షులు యార్లగడ్డ లక్ష్మీప్రసాద్, భాజపా నేత విష్ణువర్ధన్‌రెడ్డి తదితరులు శ్రీవారిని దర్శించుకున్నారు.