TS Rain Alert: రాబోయే 5 రోజులు భారీ నుంచి అతి భారీ వర్షాలు!

హైదరాబాద్: తెలంగాణలో రాగల ఐదు రోజుల పాటు భారీ నుంచి అతి భారీ వర్షాలు కురిసే అవకాశం ఉందని హైదరాబాద్‌ వాతావరణ కేంద్రం హెచ్చరించింది. శని, సోమవారాల్లో భారీ నుంచి అతి భారీ వర్షాలు, ఆదివారం భారీ వర్షాలు కురిసే అవకాశం ఉందని అంచనావేసింది. 

ఈనెల 6న బంగాళాఖాతంలో అల్పపీడనం ఏర్పడే సూచనలున్నాయని.. ఆ తర్వాత అల్పపీడనం వాయుగుండంగా మారే అవకాశముందని పేర్కొంది. కాగా, శనివారం జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం, సూర్యాపేట, మహబూబాబాద్, వరంగల్, హన్మకొండ, జనగామ, యాదాద్రి భువనగిరి జిల్లాలో భారీ నుంచి అతి భారీ వర్షాలు కురిసే అవకాశం ఉందని తెలిపింది. ఉపరితల ఆవర్తనం, షేర్ జోన్ ప్రభావంతో విస్తారంగా వర్షాలు కురుస్తున్నాయని వాతావరణ కేంద్రం పేర్కొంది.