HYD: మూసారాంబాగ్‌ వంతెనపై కొనసాగుతున్న ఆంక్షలు

హైదరాబాద్‌: గులాబ్‌ తుపాను ప్రభావంతో నగరంలో కురిసిన భారీ వర్షాలకు హిమాయత్‌సాగర్‌, ఉస్మాన్‌సాగర్‌ జలాశయాలకు వరద పోటెత్తింది. దీంతో జంట జలాశయాల గేట్లను ఎత్తి నీటిని విడుదల చేయడంతో మూసీలో నీరు ఉద్ధృతంగా ప్రవహిస్తోంది. ఫలితంగా మూసారాంబాగ్‌ వంతెనపై ఆంక్షలు కొనసాగుతున్నాయి. వంతెనపై నుంచి వాహనాల రాకపోకలకు అనుమతి నిరాకరిస్తున్నారు. వరద ఉద్ధృతి తగ్గిన తర్వాతే వాహనాలకు అనుమతి ఇస్తామని పోలీసులు చెబుతున్నారు. నిన్న మధ్యాహ్నాం నుంచే వరద కొనసాగుతుండతో అప్రమత్తమైన జీహెచ్‌ఎంసీ, పోలీసు అధికారులు ముందస్తు చర్యలు చేపట్టారు. మూసారాంబాగ్‌ వంతెనతో పాటు చాదర్‌ఘాట్‌ చిన్న బ్రిడ్జిపైకి రాకపోకలను మంగళవారం మధ్యాహ్నం నుంచి నిలిపేసిన విషయం తెలిసిందే.