TS News: ఉద్యోగుల కేటాయింపునకు షెడ్యూల్‌ ప్రకటన విడుదల

హైదరాబాద్‌: కొత్త జోనల్‌ విధానం మేరకు ఉద్యోగుల కేటాయింపునకు సంబంధించి షెడ్యూల్‌ ప్రకటన విడుదలైంది. జిల్లా, జోనల్‌, మల్టీ జోనల్‌ కేడర్‌ ఉద్యోగుల నుంచి 16న ఐచ్ఛికాల స్వీకరణను ప్రారంభించింది. ఈ నెల 20 నుంచి కేటాయింపు ఉత్తర్వులు ఇవ్వనున్నారు. కేటాయింపు ఉత్తర్వుల తర్వాత విధుల్లో చేరేందుకు వారం గడువు ఇచ్చారు. రాష్ట్రంలో కొత్త జోనల్‌ విధానంలో భాగంగా సొంత జిల్లాలు, జోన్లు, బహుళ జోన్లకు వెళ్లేందుకు ఉద్యోగులు, అధికారులకు అవకాశం కల్పించగా.. వీటికోసం 60 వేల మంది ఐచ్ఛికాలు (ఆప్షన్లు) సమర్పిస్తారని రాష్ట్ర ప్రభుత్వం అంచనా వేస్తోంది. ఇందుకు అనుగుణంగా ప్రభుత్వం కసరత్తు చేస్తోంది.