Sharannavaratri: మహిషాసుర మర్దినిగా కనకదుర్గమ్మ అభయం

విజయవాడ: ఇంద్రకీలాద్రిపై దసరా శరన్నవరాత్రి వేడుకలు ఘనంగా జరుగుతున్నాయి. ఉత్సవాల్లో ఇవాళ ఎనిమిదో రోజు కావడంతో అమ్మవారు మహిషాసుర మర్దినిగా భక్తులకు దర్శనమిస్తున్నారు. రాక్షసులను సంహరించి స్వయంభుగా వెలిసిన మహిషాసుర మర్దినిని దర్శించుకునేందుకు భక్తులు బారులు తీరారు. అష్ట భుజాలతో అవతరించి సింహవాహినియై దుష్టుడైన మహిషాసురుడిని సంహరించిందని పురాణాలు చెబుతున్నాయి. రేపటితో దసరా వేడుకలు ముగియనున్నందున ఇంద్రకీలాద్రికి భక్తుల తాకిడి పెరిగింది. శుక్రవారం విజయదశమి పండుగ సందర్భంగా కనకదుర్గమ్మ రాజరాజేశ్వరిదేవిగా భక్తులకు దర్శనమివ్వనున్నారు.