Disha Case: భారీ బందోబస్తు మధ్య పర్యటించిన సిర్పూర్కర్‌ కమిషన్‌ 

హైదరాబాద్‌: దిశ నిందితుల ఎన్‌కౌంటర్‌పై ఏర్పాటైన సిర్పూర్కర్ కమిషన్ బృందం షాద్‌నగర్‌ మండలం చటాన్‌పల్లిలో పర్యటించింది. ఎన్‌కౌంటర్‌ జరిగిన ప్రాంతంతో పాటు దిశ మృతదేహాన్ని దహనం చేసిన స్థలాన్ని బృందం పరిశీలించింది. అధికారుల పర్యటన నేపథ్యంలో స్థానిక పోలీసులతో పాటు సీఆర్పీఎఫ్‌ బలగాలతో భారీ బందోబస్తు ఏర్పాటు చేశారు. కాగా చటాన్‌పల్లిలో పోలీసులు మీడియాను అనుమతించలేదు. 2019 డిసెంబరు 6న చటాన్‌పల్లి ఎన్‌కౌంటర్‌లో నలుగురు మృతిచెందిన విషయం తెలిసిందే. వచ్చే ఏడాది ఫిబ్రవరిలోపు సిర్పూర్కర్ కమిషన్ తన నివేదికను సుప్రీంకోర్టుకు సమర్పించే అవకాశం ఉంది.