Train: దసరా ప్రయాణికులకు మరో మూడు పండగ ప్రత్యేకరైళ్లు

ఈనాడు, హైదరాబాద్‌: దసరా పండక్కి రాకపోకలు సాగించే ప్రయాణికుల నుంచి వస్తున్న డిమాండ్‌ను దృష్టిలో పెట్టుకుని మరో మూడు ప్రత్యేక రైళ్లు నడిపించనున్నట్లు దక్షిణమధ్య రైల్వే మంగళవారం ఓ ప్రకటనలో తెలిపింది. 14న రాత్రి 11.55 గంటలకు సికింద్రాబాద్‌-కాకినాడ టౌన్‌ (నం.07550), 17న రాత్రి 9.05 గంటలకు మచిలీపట్నం-సికింద్రాబాద్‌ (నం.07450), 18న రాత్రి 10.45 గంటలకు లింగంపల్లి-విజయవాడ (నెం.07451) రైళ్లు బయల్దేరుతాయని పేర్కొంది. ‘దసరా పండగ ప్రత్యేక రైళ్లు’గా వీటిని నడిపించనుంది. సికింద్రాబాద్‌-కాకినాడ రైలు కాజీపేట, ఖమ్మం, రాయనపాడు, ఏలూరు మీదుగా మిగతా రెండు రైళ్లు కాజీపేట, ఖమ్మం, విజయవాడ మీదుగా రాకపోకలు సాగిస్తాయి.