Updated : 12/11/2021 17:22 IST

AP News: కాకినాడ కలెక్టరేట్‌ వద్ద పోలీసులు, విద్యార్థుల మధ్య తోపులాట

కాకినాడ కలెక్టరేట్‌: తూర్పుగోదావరి జిల్లా కాకినాడలోని ఐడియల్‌ ఎయిడెడ్‌ కళాశాల విద్యార్థులు శుక్రవారం కలెక్టరేట్‌ వద్ద ఆందోళన నిర్వహించారు. తమ కళాశాలను ప్రైవేటీకరించవద్దని నిరసన చేపట్టారు. సామర్లకోట రోడ్డులోని కళాశాల వద్ద నుంచి వందలాది మంది విద్యార్థులు ప్రదర్శనగా కలెక్టరేట్‌కు చేరుకొని ముట్టడించారు. ఈ క్రమంలో పోలీసులు, విద్యార్థుల మధ్య వాగ్వాదం చోటు చేసుకుంది. కలెక్టరేట్‌కు అడ్డంగా ఉంచిన బారీకేడ్లను తోసుకొని విద్యార్థులు లోనికి చొచ్చుకెళ్లారు. 

ఈ సందర్భంగా పోలీసులు, విద్యార్థుల మధ్య తోపులాట జరిగింది. విద్యార్థులను నిలువరించిన పోలీసులు.. కలెక్టరేట్‌ లోపలి నుంచి బయటకు పంపి ప్రధాన ద్వారాన్ని మూసేశారు. దీంతో భారీవర్షంలోనే విద్యార్థులు కలెక్టరేట్‌ ఎదుట నిరసన కొనసాగించారు. జిల్లా రెవెన్యూ అధికారి సీహెచ్‌ సత్తిబాబు విద్యార్థుల వద్దకు వచ్చి చర్చించారు. విషయాన్ని ప్రభుత్వం దృష్టికి తీసుకెళ్తామని ఆయన హామీ ఇవ్వడంతో విద్యార్థులు శాంతించారు.


Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని