Ap News: అలాంటివారు ఎప్పటికీ నాయకుడు కాలేరు: వెంకయ్యనాయుడు

పెదఅవుటపల్లి: క్రమశిక్షణ, నిబద్ధత లేని వ్యక్తి ఎప్పటికీ నాయకుడు కాలేరని ఉపరాష్ట్రపతి వెంకయ్యనాయుడు అన్నారు. క్రమశిక్షణతో మెలగడం కష్టమని భావించి కొందరు కులం, మతం, డబ్బుతో ప్రజాప్రతినిధులుగా ఎదుగుతున్నారని చెప్పారు. కృష్ణా జిల్లా పెదఅవుటపల్లిలోని పిన్నమనేని సిద్ధార్థ వైద్య కళాశాలలో జరిగిన కార్యక్రమానికి ఉపరాష్ట్రపతి హాజరయ్యారు. ఈ సందర్భంగా వైద్య విద్యార్థులతో వెంకయ్యనాయుడు మాట్లాడారు. ఎవరి వృత్తికి వారే నాయకుడని.. యువత నైపుణ్యాలు పెంపొందించుకోవాలని వైద్య విద్యార్థులకు సూచించారు. ప్రజా వేదికలో మాతృభాషలో మాట్లాడటం పెంపొందించుకోవాలన్నారు.