CM Jagan: వైఎస్‌ఆర్‌ ఘాట్‌ వద్ద సీఎం జగన్‌, షర్మిల నివాళి

ఇడుపులపాయ: దివంగత ముఖ్యమంత్రి వైఎస్‌ రాజశేఖర్‌రెడ్డి వర్ధంతి సందర్భంగా ఆయన కుమారుడు, సీఎం వైఎస్‌ జగన్‌ ఆయనకు నివాళులు అర్పించారు. కడప జిల్లా ఇడుపులపాయలోని వైఎస్‌ ఘాట్‌ వద్ద ఆయన ప్రత్యేక ప్రార్థనలు నిర్వహించారు. ఆయనతో పాటు సతీమణి భారతి, తల్లి విజయమ్మ, సోదరి షర్మిల, పలువురు మంత్రులు, వైకాపా నేతలు వైఎస్‌ఆర్‌కు నివాళులర్పించారు.

వైఎస్‌ వర్ధంతి సందర్భంగా అంతకు ముందు జగన్‌ ట్వీట్‌ చేశారు. ‘‘నాన్న భౌతికంగా దూరమై 12 ఏళ్లైనా జనం మనిషిగా ఉన్నారు. నేటికీ జన హృదయాల్లో నాన్న కొలువై ఉన్నారు. చిరునవ్వులు చిందించే రూపం మదిమదిలో నిలిచే ఉంది. నా ప్రతి ఆలోచనలో నాన్న స్ఫూర్తి ముందుండి నడిపిస్తోంది’’ అని పేర్కొన్నారు.