Nusrat Jahan: మీ బిడ్డకు తండ్రెవరని అడిగిన ప్రశ్నకు.. ఘాటుగా బదులిచ్చిన ఎంపీ

ఇంటర్నెట్‌ డెస్క్‌: మీ బిడ్డకు తండ్రి ఎవరంటూ పాత్రికేయులు అడిగిన ప్రశ్నకు ప్రముఖ నటి, తృణమూల్ కాంగ్రెస్ ఎంపీ నుస్రత్ జహాన్ తిరుగులేని సమాధానం చెప్పారు. తన కుమారుడి తండ్రి గురించి అడిగిన ప్రశ్నకు తన బిడ్డకు తండ్రెవరో ఆ తండ్రికి తెలుసు అని నుస్రత్ ఘాటుగా బదులిచ్చారు. ఆగస్టు 26న పండంటి మగ బిడ్డకు జన్మనిచ్చిన నుస్రత్, తల్లైన తర్వాత తొలిసారి బుధవారం కోల్‌కతాలోని ఓ సెలూన్ ప్రారంభోత్సవానికి హాజరయ్యారు. ఈ సమయంలో పాత్రికేయులు ఆమెపై ప్రశ్నల వర్షం కురిపించగా.. తన బిడ్డకు తండ్రెవరో చెప్పమని మహిళను అడగడం ఆమె వ్యక్తిత్వాన్ని కించపరచటమేనని ఆవేదన వ్యక్తం చేశారు. మాతృత్వపు అనుభూతి కొత్తగా ఉందన్న నుస్రత్.. తన కుమారుడి పేరు ఇషాన్ అని వెల్లడించారు. 2019లో టర్కీ వ్యాపారవేత్త నిఖిల్ జైన్‌ను టర్కిష్ చట్టం ప్రకారం వివాహం చేసుకున్న నుస్రత్.. కొద్ది నెలల కిందట అతడితో తెగదెంపులు చేసుకున్నారు.

► Read latest General News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.