Published : 24 May 2022 01:15 IST

Toilet on the stairs: రూ. 3కోట్ల ఇంటికి మెట్లపై టాయిలెట్‌.. వైరల్‌గా మారిన ఫొటో

ఇంటర్నెట్‌ డెస్క్‌: కొత్త ఇంటిని కొనుక్కోవాలనుకునేవారు అనేక విషయాలపై దృష్టి పెడతారు. బెడ్‌రూం, డైనింగ్‌ టేబుల్‌, వంటగది, బాత్‌రూం సరైన ప్రాంతంలో ఉండేలా చూసుకుంటారు. కాస్త అటూ ఇటుగా ఉన్నా.. మరో ఇంటిని వెతికే పనిలో పడతారు. అలాంటిది.. మరి ఓ ఇంటికి సంబంధించిన టాయ్‌లెట్‌ ఏకంగా మెట్లపైనే ఉంటే..! ఆ ఇంటిని ఎవరు కొంటారు చెప్పండి! ఓ ఇంటి మెట్లపై టాయ్‌లెట్‌ ఉన్న ఫొటో తాజా ఇంటర్నెట్‌లో వైరల్‌గా మారింది. దాన్ని చూసిన నెటిజన్లు ఇదేం ఇల్లురా బాబూ..! అంటూ నోరెళ్లబెడుతున్నారు.

అమెరికాలోని పెన్సిల్వేనియాలో ఉండే ఓ వ్యక్తి తన ఇంటిని అమ్మకానికి పెడుతూ.. వివరాలను జిల్లో (Zillow) అనే వెబ్‌సైట్‌లో ఉంచాడు. మూడు బెడ్‌రూంలు ఉండే ఆ ఇంటి ధరను 4,20,000 డాలర్లు (దాదాపు రూ.3.25 కోట్లు)గా నిర్ణయించాడు. అయితే వెబ్‌సైట్‌లో ఆ ఇంటిని చూసినవారు.. ఉండకూడని ప్రాంతంలో ఓ టాయ్‌లెట్‌ ఉండటాన్ని గుర్తించారు. ఆ టాయ్‌లెట్‌ను ఏకంగా మెట్లపై నిర్మించారు. కింద కార్పెట్‌ కూడా ఉంది. దీన్ని చూసిన నెటిజన్లు ఆశ్చర్యపోతున్నారు. ఆ ఫొటోను ఇంటర్నెట్‌లో పంచుకోగా ఫన్నీ కామెంట్లు వస్తున్నాయి. ‘ఇంట్లోకి వచ్చేవారికి టాయ్‌లెట్‌ స్వాగతం చెబుతోంది, ఇంటి ఎంట్రీలోనే ఇలాంటి ఆశ్చర్యకర దృశ్యం కనిపిస్తే.. ఇంక ఇంట్లో ఎన్ని వింతలు కనిపిస్తాయో..’ అంటూ ఛలోక్తులు విసురుతున్నారు.

Read latest General News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని