Hyderabad: ముగిసిన తొర్రూరు లేఅవుట్ ప్లాట్ల ఈ-వేలం

హైదరాబాద్: రంగారెడ్డి జిల్లా తొర్రూరు హెచ్ఎండీఏ లేఅవుట్‌లో మిగిలిన ప్లాట్ల అమ్మకాలకు చివరి రోజున 48 ప్లాట్లకు ఆన్‌లైన్‌ ద్వారా వేలం ప్రక్రియ జరిగింది. హెచ్ఎండీఏ ఆధ్వర్యంలో కేంద్ర ప్రభుత్వ రంగ సంస్థ ఎంఎస్‌టీసీ నిర్వహించిన వేలంలో ఉదయం సెషన్‌లో 25 ప్లాట్లు, సాయంత్రం సెషన్‌లో 23 ప్లాట్ల చొప్పున వేలం ప్రక్రియను నిర్వహించారు. ఉదయం సెషన్‌లో 25 ప్లాట్లకు గాను 5 ప్లాట్లకు బిడ్డింగ్ జరిగింది. గజం ధర అత్యధికంగా రూ.30 వేలు, అత్యల్పంగా రూ.20,500 బిడ్డర్లు కోట్ చేశారు. సాయంత్రం సెషన్‌లో 23 ప్లాట్లకుగాను 7 ప్లాట్లకు బిడ్డింగ్ జరిగింది. చివరి రోజు వేలం ద్వారా హెచ్ఎండీఏకు రూ.8.10 కోట్ల విలువ చేసే 12 ప్లాట్ల విక్రయించారు.