22-02-2022 ‘టూస్ డే’పై చక్కర్లు కొడుతున్న మీమ్స్‌.. చూశారా..!

ఇంటర్నెట్‌ డెస్క్‌:  ‘వికటకవి’ ఈ పదాన్ని ఎటు నుంచి చదివినా ఒకే అర్థం వస్తుంది. ఈరోజు తేదీ కూడా అంతే. 22-02-2022... దీన్ని ఎటు నుంచి చూసినా తేదీ ఒకటే వస్తుంది. తలకిందులుగా చూసినా ఒకేలా కనిపించడం మరో ప్రత్యేకత. అంతేకాదు ఈరోజును ‘టూస్‌ డే’ అని సంబోధిస్తున్నారు. తేదీలో 2 అంకె అత్యధిక సార్లు వచ్చింది కాబట్టి దీన్ని టూస్​డేగా పిలుచుకుంటున్నారు. దీంతో పాటు ఈ రోజు మంగళవారం. దీన్ని ఇంగ్లిష్​లో ట్యూస్​డే అని పిలుస్తారన్న విషయం తెలిసిందే. ఈ రకంగానూ టూస్​డేకు ప్రత్యేకత వచ్చింది.

నిజానికి టూస్​డేకు చారిత్రకంగా ఎలాంటి ప్రాముఖ్యత లేదు. కాస్మిక్ క్యాలెండర్ ప్రకారం కూడా ఎలాంటి ప్రత్యేకత లేదు. అయితే, ఈ తేదీ సంఖ్యల అమరిక ఆసక్తికరంగా ఉంటుంది. ఆస్ట్రాలజీ ప్రకారం 2 అంకె చంద్రుడిని సూచిస్తుంది. ఈ తేదీ అదృష్టాన్ని తెచ్చిపెడుతుందని కొందరికి  భావిస్తుంటారు. తేదీలో మాత్రమే ప్రత్యేకత ఉంది తప్ప రోజులో ఎలాంటి మార్పు లేదని మరికొందరు అంటున్నారు. ఈ ప్రత్యేక డేట్‌కి సంబంధించిన పలు మీమ్స్‌ సామాజిక మాధ్యమాల్లో చక్కర్లు కొడుతూ అలరిస్తున్నాయి. వాటిని చూసేద్దామా మరి..