Mallu Swarajyam: మల్లు స్వరాజ్యం భౌతికకాయం వద్ద ప్రముఖుల నివాళి

హైదరాబాద్‌: తెలంగాణ సాయుధ పోరాట యోధురాలు, మాజీ ఎమ్మెల్యే మల్లు స్వరాజ్యం పార్థివ దేహానికి పలువురు రాజకీయ ప్రముఖులు, వివిధ ప్రజాసంఘాల నేతలు నివాళులర్పించారు. ప్రజలు, అభిమానుల సందర్శనార్థం సీపీఎం రాష్ట్ర కార్యాలయం ఎంబీ భవన్‌కు ఆమె భౌతిక కాయాన్ని తరలించారు. అక్కడ మంత్రి ఎర్రబెల్లి దయాకర్‌రావు, ఎమ్మెల్సీ కవిత, సీపీఐ నేతలు నారాయణ, చాడ వెంకట్‌రెడ్డి, సీపీఎం నేతలు రాఘవులు, మధు, తమ్మినేని వీరభద్రం, ఎమ్మెల్సీ కవిత, తెలంగాణ జనసమితి అధ్యక్షుడు కోదండరామ్‌ తదితరులు మల్లు స్వరాజ్యం పార్థివదేహం వద్ద నివాళులర్పించారు. ఆమెను కడసారి చూసేందుకు పెద్ద ఎత్తున అభిమానులు ఎంబీ భవన్‌ వద్దకు చేరుకున్నారు. సాయుధ పోరాటంలో స్వరాజ్యం అందించిన సేవలను ఈ సందర్భంగా గుర్తు చేసుకున్నారు. అనంతరం ఆమె భౌతికకాయాన్ని నల్గొండ తరలించారు.