ఒడిశాలో మంటల్లో చిక్కుకున్న లారీ

భద్రక్‌: ఒడిశాలోని భద్రక్‌ జిల్లాలో ఓ లారీ మంటల్లో చిక్కుకుంది. హైదరాబాద్‌ నుంచి కోల్‌కతా వెళ్తున్న లారీలో జాతీయ రహదారి 16పై సహపూర్‌ వద్ద మంటలు చెలరేగాయి. అగ్నిమాపక సిబ్బంది మంటలను అదుపులోకి తీసుకువచ్చారు. ఈ ఘటనలో ఎవరికీ ప్రమాదం జరగలేదని అధికారులు తెలిపారు. ప్రమాద కారణాలు తెలియరాలేదు. రహదారిపై లారీ వెళ్తున్న సమయంలో పెద్ద శబ్దం వచ్చిందని, తరువాత లారీ మంటల్లో చిక్కుకుందని స్థానికులు తెలిపారు.