TS: కొత్తగా 2,493 కరోనా కేసులు

హైదరాబాద్‌: తెలంగాణలో కరోనా వ్యాప్తి కొనసాగుతోంది. గడిచిన 24 గంటల్లో 94,189 కరోనా నిర్థారణ పరీక్షలు నిర్వహించగా 2,493 మందికి పాజిటివ్‌గా నిర్ధారణ అయ్యిందని  వైద్య ఆరోగ్యశాఖ తెలిపింది. దీంతో ఇప్పటి వరకు నమోదైన  కరోనా కేసుల సంఖ్య 5,80,834కి చేరింది. తాజాగా మరో 15 మంది మహమ్మారికి బలవ్వగా.. మొత్తం మృతుల సంఖ్య 3,296కి పెరిగింది. గడచిన 24గంటల్లో కరోనా నుంచి 3,308 మంది బాధితులు కోలుకున్నారు. రాష్ట్రంలో ప్రస్తుతం 33,254 క్రియాశీల కేసులు ఉన్నట్లు రాష్ట్ర ప్రభుత్వం బులిటెన్‌ విడుదల చేసింది. జీహెచ్‌ఎంసీ పరిధిలో 318 కేసులు నమోదయ్యాయి.