లాయర్లను ప్రభుత్వమెందుకు ఆదుకోవాలి: హైకోర్టు

హైదరాబాద్‌: తెలంగాణలోని న్యాయవాదులు, క్లర్కులకు ప్రభుత్వం ఆర్థికసాయం చేయాలన్న పిటిషన్‌పై ఇవాళ హైకోర్టులో విచారణ జరిగింది. న్యాయవాది భాస్కర్‌ వేసిన ప్రజా ప్రయోజన వ్యాజ్యంపై విచారణ జరిపిన ధర్మాసనం.. న్యాయవాదులను ప్రభుత్వం ఎందుకు ఆదుకోవాలి?అని ప్రశ్నించింది. బార్‌కౌన్సిల్‌, న్యాయవాదుల సంఘాలదే ఈ బాధ్యత అని స్పష్టం చేసింది. న్యాయవాదులు ప్రభుత్వంపై ఆధారపడొద్దని.. సొంత నిధి ఏర్పాటు చేసుకోవాలని సూచించింది. సీనియర్‌ లాయర్ల సహకారంతో నిధి ఏర్పాటు చేసుకోవాలని వివరించింది. వారం రోజుల్లో దీనికి సంబంధించిన వివరాలు సమర్పించాలని బార్‌ కౌన్సి్ల్‌ను హైకోర్టు ఆదేశించింది.