Telangana News: ప్రతి దానికి ఏపీ ప్రభుత్వం రాద్ధాంతం చేస్తోంది: మంత్రి జగదీశ్‌రెడ్డి

హైదరాబాద్‌: నాగార్జున సాగర్‌ నీటి వినియోగంపై కృష్ణా బోర్డుకు ఆంధ్రప్రదేశ్‌ ప్రభుత్వం ఫిర్యాదు చేయడంలో అర్ధం లేదని  తెలంగాణ మంత్రి జగదీశ్‌ రెడ్డి పేర్కొన్నారు. సాగర్‌ జలాలను ఉపయోగించి తెలంగాణ విద్యుత్‌ ఉత్పత్తి చేస్తుందనడంలో నిజం లేదన్నారు. అసంబద్ధ ఆరోపణలతో ఏపీ తన గౌరవం దిగజార్చుకుంటోందని వ్యాఖ్యానించారు. రాష్ట్రానికి సాగర్‌ నుంచి ఎక్కువగా తాగునీటి అవసరాలు ఉన్నాయని వెల్లడించారు. పవర్‌ గ్రిడ్‌ను కాపాడుకునేందుకు ఐదు పది నిమిషాలు మించి నీటిని వినియోగించుకోలేదని వివరణ ఇచ్చారు. శ్రీశైలం నుంచి తెలంగాణ విద్యుత్‌ ఉత్పత్తి ఆపేసినా.. ఏపీ ఇప్పటికీ  విద్యుత్‌ ఉత్పత్తి చేస్తోందని ఆరోపించారు.  తామెప్పుడూ ఈ విషయంపై ఫిర్యాదు చేయలేదని, ప్రతిదానికి ఏపీ ప్రభుత్వం రాద్ధాంతం చేస్తోందని మంత్రి జగదీశ్‌ రెడ్డి మండిపడ్డారు.