Telangana News: కానిస్టేబుల్ ప్రాథమిక పరీక్ష ‘కీ’ విడుదల

హైదరాబాద్: తెలంగాణలో ఆదివారం నిర్వహించిన పోలీసు కానిస్టేబుల్ ప్రాథమిక పరీక్ష ‘కీ’ విడుదలైంది. ఈ ‘కీ’ని పోలీసు నియామక మండలి వెబ్‌సైట్‌లో అందుబాటులో ఉంచినట్టు అధికారులు వెల్లడించారు. కీ పేపర్‌లో ఏమైనా అభ్యంతరాలు ఉంటే తెలపాల్సిందిగా కోరింది. ఈ నెల 31న ఉదయం 8గంటల నుంచి సెప్టెంబరు 2వ తేదీ 5గంటల వరకు అభ్యంతరాలు స్వీకరించనున్నట్లు తెలిపింది. కాగా, అభ్యంతరాలు ఉన్న ప్రశ్నలకు విడివిడిగా తగిన ఆధారాలను వెబ్‌సైట్‌లో అప్‌లోడ్ చేయాలని పోలీసు నియామక మండలి సూచించింది. 

   ‘KEY’ కోసం క్లిక్‌ చేయండి   

తెలంగాణ వ్యాప్తంగా కానిస్టేబుల్‌ పోస్టుల ప్రాథమిక రాత పరీక్ష రాష్ట్ర వ్యాప్తంగా ఆదివారం జరిగిన విషయం తెలిసిందే.పోలీస్‌ సివిల్‌ విభాగంలో 15,644.. ఆబ్కారీశాఖలో 614.. రవాణాశాఖలో 63 కానిస్టేబుల్‌ పోస్టుల కోసం 1601 కేంద్రాల్లో ఈ పరీక్ష నిర్వహించారు. హైదరాబాద్‌తోపాటు మరో 38 పట్టణాల్లో ఉదయం 10 నుంచి మధ్యాహ్నం ఒంటిగంట వరకు పరీక్ష జరిగింది. మొత్తం 6,61,198 మంది దరఖాస్తుదారులకుగాను 6,03,955 (91.34శాతం) మంది హాజరయ్యారు.