అలాంటి OMRషీట్ల మూల్యాంకనం అక్కర్లేదు: హైకోర్టు

హైదరాబాద్‌: టీఎస్‌పీఎస్సీ ఓఎంఆర్‌ పత్రాల్లో బబ్లింగ్‌ వివాదంపై హైకోర్టు తీర్పు వెలువరించింది. వివిధ ఉద్యోగ నియామకాల ఓఎంఆర్‌ పత్రాల్లో బబ్లింగ్‌లో పొరపాట్లపై విచారణ సోమవారం జరిగింది. బబ్లింగ్‌లో తప్పులు ఉన్న సమాధాన పత్రాలను అనుమతించవద్దని హైకోర్టు ఆదేశించింది. బబ్లింగ్‌లో తప్పులు చేసిన వారి ఓఎంఆర్‌ షీట్ల మూల్యాంకనం అక్కర్లేదని స్పష్టంచేసింది. వివరాలను జాగ్రత్తగా నింపాల్సిన బాధ్యత అభ్యర్థులేదేనని తేల్చి చెప్పింది.  కోర్టు కేసులతో ఆగిన నియామకాలు చేపట్టాలని టీఎస్‌పీఎస్సీకి ఆదేశాలు జారీచేసింది. 40 నుంచి 60 పోస్టులు భర్తీ కాకుండా మిగిలాయని టీఎస్‌పీఎస్సీ న్యాయవాది కోర్టుకు తెలపగా.. మిగిలిన పోస్టుల భర్తీకి చర్యలు చేపట్టేందుకు టీఎస్‌పీఎస్సీకి న్యాయస్థానం అనుమతించింది.