Published : 15 Sep 2021 18:42 IST

iPhone 13: ఐఫోన్ 13 ప్రమోషనల్‌ వీడియోలో ఏ పాట వస్తుందంటే..?

ఇంటర్నెట్‌ డెస్క్‌: ప్రముఖ మొబైల్‌ తయారీ సంస్థ యాపిల్‌ ఏ కొత్త మొబైల్‌ను మార్కెట్‌లోకి తీసుకొచ్చినా స్మార్ట్‌ఫోన్‌ అభిమానుల దృష్టంతా దానిపైనే ఉంటుంది. తాజాగా మంగళవారం ఆవిష్కరించిన ఐఫోన్‌ 13 సిరీస్‌ కూడా అందర్నీ తెగ ఆకట్టుకుంటోంది. ఓవైపు ఫోన్‌ ఫీచర్స్‌పైనా నెట్టింట్లో చర్చ జరుగుతుంటే మరోవైపు ఓ పాటపైనా నెటిజన్లు చర్చించుకుంటున్నారు. పాటపై చర్చించుకోవడమేంటని ఆలోచిస్తున్నారా? నిజమే, ఐఫోన్‌ 13 ఫోన్‌ ఆవిష్కరణ కార్యక్రమంలో ప్రమోషనల్‌ వీడియోను వేశారు. ఆ వీడియోలో ‘దమ్‌ మారో దమ్‌’ అనే ట్యూన్‌ను ప్లే చేశారు. దానిపైనే సోషల్‌ మీడియాలో చర్చ సాగుతోంది.

ట్విటర్‌ యూజర్‌ ఈ ప్రమోషనల్‌ వీడియోను షేర్‌ చేస్తూ.. ‘యాపిల్‌ దమ్‌ మారో దమ్‌ పాటను ఉపయోగిస్తోంది!’ అంటూ రాసుకొచ్చారు. ఈ వీడియోలో మొబైల్ ఫ్యూచర్స్‌ గురించి వివరిస్తుండగా బ్యాక్‌గ్రౌండ్‌లో దమ్ మారో దమ్‌ ట్యూన్‌ వస్తోంటుంది. కాగా..1971లో ఈ పాటను ఆర్డీ బర్మన్ స్వరపరచగా ఆశా భోంస్లే ఆలపించారు. దీన్ని యాపిల్ ఈవెంట్ 2021లో ప్లే చేయడంతో సోషల్ మీడియాలో సందడి నెలకొంది. ప్రపంచ వేదికపై సుపరిచితమైన ట్యూన్ విన్నామని బాలీవుడ్ అభిమానులు స్పందిస్తున్నారు. ఇదిలా ఉండగా భారత్‌లో ఈనెల 17 నుంచి ఐఫోన్‌ ప్రీ ఆర్డర్‌ మొదలవుతుంది. 24వ తేదీ నుంచి అందుబాటులోకి వస్తాయి. ఐఫోన్‌ 13 మినీ రూ.69,900, ఐఫోన్‌ 13 రూ.79,900, ఐఫోన్‌ 13 ప్రో రూ.1,19,900, 13 ఐఫోన్‌ ప్రో మ్యాక్స్‌ రూ.1,29,900 నుంచి ప్రారంభమవుతాయి.


Read latest General News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని