lockdown: వ్యాక్సినేషన్‌పై క్లారిటీ ఇచ్చిన డీహెచ్‌

హైదరాబాద్‌: తెలంగాణలో బుధవారం నుంచి నుంచి లాక్‌డౌన్‌ విధిస్తున్న నేపథ్యంలో వ్యాక్సినేషన్‌ కార్యక్రమంపై ప్రజారోగ్య సంచాలకులు (డీహెచ్‌) జి.శ్రీనివాసరావు స్పందించారు. ప్రభుత్వ వ్యాక్సినేషన్‌ కేంద్రాల్లో టీకా కార్యక్రమం కొనసాగనున్నట్లు పేర్కొన్నారు. లాక్‌డౌన్‌ నేపథ్యంలో ఉదయం 9 గంటల నుంచి సాయంత్రం 4 వరకు వ్యాక్సినేషన్‌ చేపట్టనున్నట్లు ఆయన తెలిపారు. 45 ఏళ్లు పైబడి రెండో డోసు తీసుకునేవారికి టీకా ఇవ్వనున్నట్లు పేర్కొన్నారు. కొవాగ్జిన్‌ తీసుకున్న 4 వారాల తర్వాత, కొవిషీల్డ్‌ తీసుకున్న 6 వారాల తర్వాత రెండో డోస్‌ తీసుకోవాలని ఆయన సూచించారు.