అమరావతి: పంచాయతీ ఎన్నికల్లో పాల్గొనబోమని తామెప్పుడూ చెప్పలేదని, ఆరోగ్యం సరిగా లేని ఉద్యోగులను మినహాయించాలని మాత్రమే కోరినట్టు ప్రభుత్వ ఉద్యోగుల ఫెడరేషన్‌ ఛైర్మన్‌ వెంకట్రామిరెడ్డి అన్నారు. ఎన్నికల విధులకు సహకరించే వారితో నిర్వహించుకోవచ్చన్నారు. వ్యాక్సినేషన్‌ పూర్తయ్యే వరకు గోవాలో స్థానిక ఎన్నికలు వాయిదా వేశారని, ఇక్కడ కూడా అలాగే వ్యవహరించాలన్నారు. ఏపీలో పంచాయతీ ఎన్నికలు నిర్వహించాల్సిందేనంటూ సుప్రీంకోర్టు తేల్చి చెప్పిన నేపథ్యంలో ఆయన స్పందించారు. ఉద్యోగులందరూ ఎన్నికల విధుల్లో పాల్గొనబోరని తాము అనడంలేదన్నారు. వయో భారంతో అనేక మంది కరోనాకు భయపడుతున్నారని చెప్పారు. ఎన్నికలను బహిష్కరించాలని, పాల్గొనబోమని తాము చెప్పడంలేదన్నారు. 

ఇదీ చదవండి..

ఎన్నికలను రీషెడ్యూల్‌ చేసిన ఎస్‌ఈసీ

ఏపీలో పంచాయతీ ఎన్నికలు నిర్వహించాల్సిందే: సుప్రీం