Anantapur: విద్యుత్ శాఖ సిబ్బందిపై గ్రామస్థుల దాడి..!

అనంతపురం: అనంతపురం జిల్లాలో విద్యుత్ బకాయిల వసూళ్లు వివాదాస్పదంగా మారాయి. గుంతకల్లు మండలం శంకరబండ గ్రామంలో విద్యుత్ బిల్లుల వసూలు కోసం వెళ్లిన సిబ్బందిపై గ్రామస్థులు తిరగబడ్డారు. ఎలాంటి సమాచారం లేకుండా విద్యుత్ సరఫరా నిలిపివేయడంతోపాటు.. ఫోన్ చేసినా స్పందించలేదంటూ ఆగ్రహం వ్యక్తం చేశారు. ఎవరో బిల్లులు చెల్లించకపోతే.. గ్రామం మెుత్తానికి విద్యుత్ ఎలా నిలిపివేస్తారంటూ ఉద్యోగులను నిర్బంధించారు. రైతులు, విద్యుత్ ఉద్యోగుల వివాదం గురించి తెలుసుకున్న పోలీసులు.. గ్రామానికి చేరుకొని సిబ్బందిని విడిపించారు. తమపై దాడి చేశారంటూ గ్రామస్థులపై ఉద్యోగులు కేసు పెట్టారు. అకాల విద్యుత్‌ కోతలతో పంటకు నీరు పెట్టుకోలేక తీవ్ర ఇబ్బందులకు గురవుతున్నామని అన్నదాతలు వాపోయారు.