Vizag Steel Plant: ఈనెల 28న విశాఖ బంద్‌: స్టీల్‌ ప్లాంట్‌ పోరాట కమిటీ పిలుపు

విశాఖపట్నం: ఈనెల 28న విశాఖపట్నం నగర బంద్‌కు స్టీల్‌ ప్లాంట్‌ పరిరక్షణ పోరాట కమిటీ పిలుపునిచ్చింది. ఉక్కు కర్మాగారం ప్రైవేటీకరణ నిర్ణయాన్ని నిరసిస్తూ చేపట్టిన నిరాహార దీక్షలు రేపటికి 400వ రోజుకు చేరుకోనున్నాయి. ఈ సందర్భంగా పోరాట కమిటీ నేతలు విశాఖలో ఏర్పాటు చేసిన మీడియా సమావేశంలో మాట్లాడారు. స్టీల్‌ప్లాంట్‌ను ప్రైవేటీకరణ చేయబోమని కేంద్ర ప్రభుత్వం ప్రకటించే వరకు పోరాటం కొనసాగిస్తామని చెప్పారు. బంద్‌కు మద్దతివ్వాలని ప్రజలు, రాజకీయ పార్టీలకు పిలుపునిచ్చారు. వందమంది ఎంపీల సంతకాలతో దిల్లీ వెళ్లి పోరాడతామని.. వారంరోజులపాటు కేంద్రంపై ఒత్తిడి తీసుకొచ్చేందుకు తమ ప్రయత్నాలను కొసాగిస్తామని చెప్పారు.