Vizag Steel Plant: పరిపాలనా భవనాన్ని ముట్టడించిన కార్మికులు

గాజువాక: విశాఖ ఉక్కు కర్మాగారం కార్మికులు కదం తొక్కారు. వేతనాలు పెంచాలంటూ స్టీల్‌ప్లాంట్‌ పరిపాలనా భవనాన్ని ముట్టడించారు. సెయిల్‌ తరహాలో తమకు వేతన సవరణ ఒప్పందం అమలుచేయాలని కార్మిక సంఘాలు డిమాండ్‌ చేశాయి. అడ్మినిస్ట్రేటివ్‌ బిల్డింగ్‌కు వెళ్లే అన్ని మార్గాల్లో బైఠాయించి వాహనాల రాకపోకలను అడ్డుకున్నారు.  ఒక్కసారిగా పెద్ద సంఖ్యలో స్టీల్‌ప్లాంట్‌ కార్మికులు పరిపాలనా భవనం ముట్టడికి రావడంతో అక్కడ ఉద్రిక్తత చోటుచేసుకుంది. ఈ క్రమంలో అక్కడ భారీగా పోలీసులు మోహరించారు. దీంతో కార్మికులు, పోలీసుల మధ్య వాగ్వాదం జరిగింది. ఆరేళ్లుగా వేతన ఒప్పందాన్ని అమలు చేయకపోవడాన్ని నిరసిస్తూ ఆందోళన చేపట్టారు.