Weather Report: తెలంగాణలో రాగల 3 రోజులు తేలికపాటి వర్షాలు

హైదరాబాద్‌: తెలంగాణలో రాగల 3రోజులు తేలికపాటి నుంచి మోస్తరు వర్షాలు కురుస్తాయని హైదరాబాద్‌ వాతావరణ కేంద్రం ప్రకటించింది. గురువారం ఉమ్మడి ఆదిలాబాద్‌, నిజామాబాద్‌ జిల్లాలతో పాటు జగిత్యాల, రాజన్న సిరిసిల్ల జిల్లాల్లో ఉరుములు మెరుపులతో కూడిన భారీ వర్షాలు కురిసే అవకాశముందని తెలిపింది. ఈ జిల్లాలకు ఎల్లో హెచ్చరికలు జారీ చేసింది. 

వరంగల్‌లో భారీ వర్షం..

వరగంలో భారీ వర్షం కురిసింది. వరంగల్‌తో పాటు హనుమకొండ, కాజీపేటలో ఒక్కసారిగా వాన కురవడంతో ప్రధాన రహదారిపై వరదనీరు చేరి వాహనదారులు ఇబ్బంది పడ్డారు. వరంగల్‌ అండర్‌ రైల్వే బ్రిడ్జి వద్ద వరద నీరు నిలిచిపోవడంతో రాకపోకలకు అంతరాయమేర్పడింది. బంగాళాఖాతంలో ఏర్పడిన అల్పపీడనం దక్షిణ జార్ఖండ్‌ పరిసరాల్లో కొనసాగుతోందని, దీనికి అనుబంధంగా ఉన్న ఆవర్తనం సగటు సముద్ర మట్టం నుంచి 7.6 కి.మీ ఎత్తు వరకు వ్యాపించి.. ఎత్తుకు వెళ్లే కొలది నైరుతి దిశవైపు వాలి ఉందని పేర్కొంది. రాష్ట్రంలో కింది స్థాయిలోని గాలులు పశ్చిమ దిశ నుంచి వీస్తున్నట్టు వెల్లడించింది. రాష్ర్టంలోకి క్రింది స్థాయిలోని గాలులు పశ్చిమ దిశ నుంచి వీస్తున్నట్లు వెల్లడించింది.