weekoff: వారాంతపు సెలవు.. ఎలాంటి ప్లాన్స్‌ వేసుకుంటున్నారు!

ఇంటర్నెట్‌ డెస్క్‌: వారం రోజులు అదే తీరుగా పని.. భోజనం చేసేందుకు కూడా తీరికఉండదు. పని ఒత్తిడి అలాంటిది మరి! ఈ పని బిజీలో ఒక రోజు వారాంతపు సెలవు దొరుకుతుంది. దీనిని ఎలా ఉపయోగించుకుంటున్నారు. మిగతా రోజులు ఎలాగూ సంపాదించేందుకు వాడుతున్నారు. కనీసం ఒక్కరోజైనా మీరు ఆనందంగా ఉండేందుకు ఉపయోగించుకుంటున్నారా! 

* చాలామంది సెలవు రోజు ఆలస్యంగా నిద్ర లేస్తుంటారు. అలా కాకుండా ఉదయం తొందరగా నిద్ర లేస్తే ఎక్కువ సమయం మీ చేతుల్లో ఉంటుంది. దీంతో ఎక్కువ పనులు చేసుకోవచ్చు. 

* పని వేళల్లో ఎలాగూ లాప్‌టాప్‌లు, ఫోన్‌లతో కుస్తీ పట్టడానికే సమయంతా అయిపోతుంది. సెలవు రోజు కూడా వాటితోనే గడిపితే ఎలా? అందుకే వారాంతపు సెలవుల్లో ఎలక్ట్రానిక్‌ వస్తువులను దూరం పెట్టేయండి. అత్యవసరమైతే తప్ప వాటిని వాడకుండా ఉండండి. ఈ సమయాన్ని కుటుంబ సభ్యులతో, స్నేహితులతో గడపండి. 

* ఇంట్లో వాళ్లు, పిల్లలు, స్నేహితులతో కలిసి పిక్నిక్‌కు వెళ్లండి. వాళ్లతో సమయం గడిపినట్లు ఉంటుంది. మీకూ మనసుకి హాయిగా ఉంటుంది. 

* ఏదైనా క్రియేటివ్‌గా ఉండే, మీకు నచ్చే పనిని చేయండి. అవుట్‌ డోర్‌ గేమ్స్‌, ఇండోర్‌ గేమ్స్‌, పెయింటింగ్ వంటివి చేయండి.

* మీతో మీరు కాసేపు సమయం గడపండి. కొత్త ఆలోచనలు, ప్రణాళికలు వేసుకోండి. భవిష్యత్తులో ఏ పని చేయాలనుకుంటున్నారో మీ డైరీలో రాసుకోండి.