Knee Problem: మోకాళ్ల నొప్పులా..? ఇలా చేయండి

ఇంటర్నెట్‌ డెస్క్‌: వయసుతో సంబంధం లేకుండా మోకాళ్ల నొప్పులు పెద్ద సమస్యగా మారిపోయింది. పోటెత్తే మోకాళ్ల నొప్పులతో వయసు పైబడిన వారికి మరీ దుర్భరంగా ఉంటోంది. నడవడమే కాదు..కూర్చోవడం ఇబ్బందికరంగానే ఉంటోంది. మోకీళ్లు అరిగిపోవడంతో పాటు గుజ్జు తగ్గిపోవడంతో నొప్పులు అధికం అవుతున్నాయి. ఈ నొప్పులను భరించలేక అనేక రకాల మందులను, ఫెయిన్‌ కిల్లర్లను ఆశ్రయించక తప్పడం లేదు. ఈ మోకాళ్ల నొప్పులకు ఏం చేయాలో జాయింట్‌ నీ రీ ప్లేస్‌మెంట్‌ సర్జన్‌ వెంకటరమణారెడ్డి వివరించారు.

ఆర్థరైటిస్‌తోనే నొప్పి

మోకాళ్ల నొప్పులు రావడానికి ఎన్ని కారణాలున్నా ప్రధానంగా ఆర్థరైటిస్‌తోనే సమస్యలు వస్తాయి. స్టేజ్‌1, 2, 3 స్టేజీలలో వచ్చే నొప్పులకు మందులతోనే సరిపోతుంది. మోకాళ్ల నొప్పులు వస్తాయని మోకీలు రీప్లేస్‌మెంట్‌ చేయాల్సిన అవసరం ఉండదు. సాధారణ జీవనం గడిపేవాళ్లకు ఈ శస్త్రచికిత్స చేయాల్సిన పని లేదు. మంచి ఆహారం, వ్యాయామం చేస్తే ఇబ్బందులు తగ్గుతాయి.