Over Sleep: అతి నిద్ర వదిలి పెట్టడం లేదా? ఈ సమస్యకు ఇలా చెక్‌పెట్టండి..!

ఇంటర్నెట్‌ డెస్క్‌: రాత్రి పూట నిద్ర పట్టకపోవడంతో చాలా మంది బాధపడుతుంటారు.. కానీ కొంతమంది మాత్రం అతినిద్రతో సతమతమవుతారు. ఇంట్లోనే కాదు.. కార్యాలయాల్లోనూ ఉన్నట్టుండి నిద్రలోకి జారుకుంటారు. ఇదీ ఒక సమస్యే సుమా..! ఇలా నిత్యం ఇబ్బంది పడుతున్నపుడు కొన్ని యోగాసనాలు వేస్తే ఎంతో ప్రయోజనం కలుగుతుందని ప్రముఖ యోగా గురువు ఆర్‌.ఆర్‌. ప్రసాద్‌ వివరించారు.

ఈ యోగాసనాలతో ప్రయోజనం

యోగాలో కొన్ని ఆసనాలు అతినిద్ర సమస్యను పరిష్కరించడానికి తోడ్పడతాయి.  శరీరం ఉత్తేజితమవుతుంది. కొన్ని ప్రత్యేకమైన సూర్య నమస్కారాలు, ప్రాణముద్ర చేయడంతో ఎంతో ప్రయోజనం కలుగుతుంది. సూర్యనమస్కారాలను ఉదయం, సాయంత్రం 12 సార్లు చేయాలి. ఇలా చేయడంతో ఆరోగ్యంగా ఉండటమే కాదు.. ఉత్సాహంతో దినచర్యను కొనసాగిస్తారు.