TS News: న్యాయం కోసం బైక్‌పై దిల్లీకి బయలుదేరిన యువకుడు!

ఇల్లందు: న్యాయం చేయాలని కోరుతూ ప్రధానిని కలిసేందుకు ఓ యువకుడు ద్విచక్రవాహనంపై దిల్లీకి బయలుదేరాడు. భద్రాద్రి కొత్తగూడెం జిల్లా ఇల్లందుకు చెందిన సుందర్.. ఖమ్మం జిల్లా సింగరేణి పరిధిలోని ఉపరితల గని విస్తరణలో భాగంగా తమ భూములను కోల్పోయారు. తమకు నష్టపరిహారం చెల్లించాలని సింగరేణి సంస్థను కోరుతూ గత ఐదేళ్లుగా పలు విధాల్లో నిరసన వ్యక్తం చేస్తున్నారు. ఎంతమందికి విన్నవించినా న్యాయం జరగడంలేదని ఆరోపిస్తూ ఇటీవల సుందర్ ఇల్లందులో సెల్ టవర్ ఎక్కి ఆందోళన చేశారు. తమ కుటుంబానికి న్యాయం చేయాలని కోరుతూ సుందర్ కుమారుడు సంజయ్.. ప్రధానిని కలిసేందుకు ద్విచక్రవాహనంపై గత నెల 29న దిల్లీ బయలుదేరాడు.

► Read latest General News and Telugu News