Viveka murder case: వివేకా హత్య కేసు.. పులివెందుల కోర్టులో తులసమ్మ వాంగ్మూలం నమోదు

పులివెందుల: మాజీ మంత్రి వైఎస్‌ వివేకా హాత్య కేసు విచారణ కొనసాగుతోంది. ఈ కేసులో ప్రధాన నిందితుడిగా ఉన్న దేవిరెడ్డి శివశంకర్‌రెడ్డి భార్య తులసమ్మ వాంగ్మూలాన్ని నమోదు చేసుకున్నారు. పులివెందుల కోర్టు మెజిస్ట్రేట్‌ ముందు తులసమ్మ వాంగ్మూలం ఇచ్చారు. వివేకా హత్య కేసులో మరో ఆరుగురిని విచారించాలని ఈ ఏడాది ఫిబ్రవరి 21న పులివెందుల కోర్టులో తులసమ్మ పిటిషన్‌ దాఖలు చేశారు. సీబీఐ విచారణ జరపాలని పిటిషన్‌లో పేర్కొన్నారు. వివేకా అల్లుడు రాజశేఖర్‌రెడ్డి, వివేకా బావమరిది శివప్రకాశ్‌రెడ్డి, కొమ్మ పరమేశ్వర్‌రెడ్డి, బీటెక్‌ రవి, రాజేశ్వర్‌ రెడ్డి, నీరుగుట్టు ప్రసాద్‌ను విచారించాలని కోరారు. పిటిషన్‌ దాఖలు చేసిన 9 నెలల తర్వాత పులివెందుల కోర్టు ఇవాళ తులసమ్మ వాంగ్మూలం నమోదు చేసుకోవడం గమనార్హం.