Andhra News: మహిళపై విజయనగరం ఎమ్మెల్యే కోలగట్ల చిందులు..

విజయనగరం: వీధిలోని డ్రైనేజీ సమస్యను పరిష్కరించాలని కోరిన ఓ మహిళపై విజయనగరం ఎమ్మెల్యే కోలగట్ల వీరభద్రస్వామి చిందులేశారు. విజయనగరం నగరపాలక సంస్థ పరిధిలోని కేఎల్‌ పురంలో వాటర్‌ ట్యాంక్‌ నిర్మాణ పనుల శంకుస్థాపనకు ఎమ్మెల్యే హాజరయ్యారు. శిలాఫలకాన్ని ఆవిష్కరించిన తర్వాత ఓ మహిళ తమ వీధిలోని మురుగు కాల్వ సమస్యను నగర పాలక సంస్థ అధికారులకు విన్నవించుకునే ప్రయత్నం చేశారు. కాల్వ లేకపోవడం వల్ల ఇబ్బందిగా ఉందని ఆవేదన వ్యక్తం చేశారు. ఇంతలో ఎమ్మెల్యే కోలగట్ల కలగజేసుకుని సమస్యను ఇప్పుడు చెప్పడమేంటంటూ ఆ మహిళపై మండిపడ్డారు. వాటర్‌ ట్యాంక్‌ కావాలా? వద్దా? అని ఆగ్రహం వ్యక్తం చేశారు. మేం సరదాకి ఇక్కడికి వచ్చామనుకుంటున్నారా? తమాషానా? కూర్చో.. అంటూ తీవ్రస్థాయిలో మండిపడ్డారు.