Corona New Variant: కరోనా కొత్త వేరియంట్ సీ.1.2 దేశంలో ప్రవేశించలేదు: కేంద్రం 

దిల్లీ: కరోనా కొత్త వేరియంట్‌ సీ.1.2ను భారత్‌లో గుర్తించలేదని కేంద్రం స్పష్టంచేసింది. ఇప్పటి వరకు సీ.1.2కు సంబంధించి దేశంలో ఎలాంటి కేసులూ నమోదు కాలేదని కేంద్రం చెప్పినట్లు ఓ ప్రముఖ వార్తా సంస్థ వెల్లడించింది. కొత్తగా పుట్టుకొచ్చిన ఈ వేరియంట్‌ను మే నెలలో తొలిసారి దక్షిణాఫ్రికాలో గుర్తించారు. ప్రస్తుతం ఇది  చైనా, ఇంగ్లండ్, న్యూజిలాండ్  సహా ఆరు దేశాలకు వ్యాపించినట్లు ప్రపంచ ఆరోగ్య సంస్థ పేర్కొంది. ఇప్పటి వరకు కనుగొన్న వేరియంట్లతో పోలిస్తే సీ.1.2 ఎంతో ప్రమాదకరమని ఆరోగ్య నిపుణులు పేర్కొన్నారు. ఈ వేరియంట్‌ అత్యంత వేగంగా వ్యాప్తి చెందే అవకాశముందని ఆందోళన వ్యక్తం చేశారు. టీకాల ద్వారా లభించిన రక్షణనను సైతం ఈ వేరియంట్  తప్పించుకోగలదని నిపుణులు హెచ్చరించారు. అయితే , ప్రస్తుతానికి ఈ రకం వేరియంట్ భారత్‌లోకి ప్రవేశించలేదని కేంద్రం వెల్లడించడం ఊరటనిస్తోంది.