ఆ సీఎం సెక్యూరిటీలో 13మందికి కరోనా!

సిమ్లా: దేశంలో కరోనా వైరస్‌ విజృంభణ కొనసాగుతోంది. రోజురోజుకీ కేసుల సంఖ్య పెరుగుతోంది. తాజాగా, హిమాచల్‌ప్రదేశ్‌ ముఖ్యమంత్రి జైరాం ఠాకూర్‌ భద్రతా సిబ్బందిలో 13మందికి కరోనా సోకడం కలకలం రేపింది. ఇటీవల కొందరు సిబ్బంది కొవిడ్‌ బారిన పడగా.. తాజాగా మరికొంతమందికీ ఈ వైరస్ సోకింది. దీంతో ఇప్పటివరకు సీఎం సిబ్బందిలో కొవిడ్‌ బారిన పడిన వారి సంఖ్య 13కి చేరింది. వీరిలో 12మంది భద్రతా సిబ్బంది కాగా.. ఒకరు సీఎం డ్రైవర్‌గా పనిచేస్తున్నట్టు సిమ్లా చీఫ్‌ మెడికల్‌ అధికారి డాక్టర్‌ సురేఖ చోప్రా వెల్లడించారు.

 హిమాచల్‌ ప్రదేశ్‌లో ఇప్పటివరకు మొత్తం 4208 పాజిటివ్‌ కేసులు నమోదయ్యాయి. వీటిలో 2835మంది కోలుకొని డిశ్చార్జి కాగా.. 17మంది మరణించారు. ప్రస్తుతం 1300లకు పైగా యాక్టివ్‌ కేసులు ఉన్నాయి.