Coronavirus: రెండో బూస్టర్‌పై ప్రభుత్వ వర్గాలు ఏమన్నాయంటే..?

దిల్లీ: చైనా(China)తో సహా ప్రపంచవ్యాప్తంగా పలు దేశాల్లో కరోనా(Corona Virus) వ్యాప్తి చెందుతోంది. మనదేశంలో కూడా ఒమిక్రాన్(Omicron), దాని ఉపరకాలు ఉనికిలో ఉన్నాయి. కానీ వాటి వల్ల తీవ్రస్థాయి వ్యాధి లక్షణాలు, ఆసుపత్రి చేరికల్లో మాత్రం పెరుగుదల లేదు. అయితే అంతర్జాతీయంగా కొవిడ్ ఇంకా భయపెడుతోన్న తరుణంలో రెండో బూస్టర్‌ డోసు గురించి చర్చ నడుస్తోంది. దీనిపై ప్రభుత్వ వర్గాలు స్పందించాయి. ‘ప్రస్తుతానికి రెండో బూస్టర్ డోసు అవసరం లేదు. మొదట మనం దేశంలో ఇప్పటికే ప్రారంభించిన బూస్టర్ డోసు డ్రైవ్‌ను పూర్తి చేయాలి’ అని తెలిపాయి. ఇప్పటి వరకూ దేశంలో పంపిణీ చేసిన డోసుల సంఖ్య 220 కోట్లు దాటింది.

24 గంటల్లో కరోనా గణాంకాలివే..

కొత్త కేసులు: 134

రోజువారీ పాజిటివిటీ రేటు: 0.09 శాతం

క్రియాశీల కేసులు: 2,582(0.01శాతం)

రికవరీ రేటు: 98.8శాతం

మొత్తంగా పంపిణీ అయిన డోసులు: 220.11 కోట్లు