Updated : 26 Dec 2021 15:33 IST

crime news: నూడుల్స్‌ తయారీ కేంద్రంలో పేలుడు..ఆరుగురిమృతి

ఇంటర్నెట్‌డెస్క్‌: బిహార్‌లోని ముజఫర్‌పూర్‌లో నూడుల్స్‌ తయారీ కర్మాగారంలో బాయిలర్‌ పేలింది. ఈ ఘటనలో ఆరుగురు మృతి చెందగా.. మరో 12 మంది తీవ్రంగా గాయపడ్డారు. పోలీసులు, అధికారులు ఘటనాస్థలికి చేరుకుని సహాయక చర్యలు చేపట్టారు. క్షతగాత్రులను శ్రీకృష్ణా మెడికల్‌ కళాశాల ఆస్పత్రికి తరలించారు. జిల్లా ఎస్పీ జయంత్‌ కాంత్‌ సహాయక చర్యలను పర్యవేక్షిస్తున్నారు. ఈ ఘటనలో మృతుల సంఖ్య మరింత పెరిగే ప్రమాదం ఉన్నట్లు తెలుస్తోంది. మృతులను ఇంకా గుర్తించాల్సి ఉంది.

ఈ ఫ్యాక్టరీ ముజఫర్‌ పూర్‌లోని బేలా ఇండస్ట్రియల్‌ ప్రాంతంలో ఉంది. ప్రమాదం జరిగే సమయంలో ఆ ఫ్యాక్టరీలో ఎంత మంది పనిచేస్తున్నారన్న సమాచారం తెలియరాలేదు. ఉదయం 10 గంటల సమయలో ఈ ఫ్యాక్టరీలోని బాయిలర్‌ పెద్ద శబ్దంతో పేలిపోయింది. ఈ శబ్దం 5 కిలోమీటర్ల దూరం వరకూ వినిపించిందని స్థానికులు చెబుతున్నారు. పేలుడు ధాటికి చుట్టుపక్కల నిర్మాణాలు కుప్పకూలాయి.


Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని