Published : 18 Dec 2021 23:46 IST

Corona: 5 నెలల తర్వాత దిల్లీలో అధిక కేసులు నమోదు!

దిల్లీ: దేశ రాజధాని నగరం దిల్లీలో కరోనా కేసులు మళ్లీ పెరుగుతున్నాయి. గత కొన్ని నెలల పాటు తగ్గుముఖం పడుతూ వచ్చిన కొవిడ్‌ కేసులు ఒమిక్రాన్‌ కలకలం నేపథ్యంలో మళ్లీ స్థిరంగా పెరుగుతుండటం ఆందోళన రేపుతోంది. శనివారం ఒక్కరోజే దిల్లీలో 86 కొత్త కేసులు నమోదయ్యాయి. గత ఐదు నెలల కాలంలో ఇవే అత్యధికం కావడం గమనార్హం. గడిచిన 24గంటల వ్యవధిలో 66,096 శాంపిల్స్‌ని పరీక్షించగా.. 86మందిలో పాజిటివ్‌గా తేలింది. అలాగే, శనివారం 68 మంది డిశ్చార్జి కాగా.. వరుసగా పదో రోజు కూడా ఎలాంటి మరణాలు నమోదు కాలేదని వైద్యశాఖ అధికారులు బులెటిన్‌లో వెల్లడించారు. ఇంకోవైపు, దిల్లీలో 22 ఒమిక్రాన్‌ కేసులు వెలుగుచూసిన విషయం తెలిసిందే. 

కొవిడ్ మహమ్మారి ప్రవేశించినప్పటినుంచి ఇప్పటివరకు దిల్లీలో 3,19,42,026 శాంపిల్స్‌ని పరీక్షించగా.. 14,42,090మందికి పాజిటివ్‌గా తేలింది. వీరిలో 14,16,506మంది కోలుకొని డిశ్చార్జి కాగా.. 25,100మంది ప్రాణాలు కోల్పోయారు. ప్రస్తుతం 484 క్రియాశీల కేసులు ఉన్నాయి. దేశ రాజధాని నగరంలో ఇప్పటివరకు 2,47,06,496 వ్యాక్సిన్‌ డోసులు పంపిణీ చేయగా.. వీటిలో 1,46,24,638 మందికి తొలిడోసు అందించగా.. 1,00,81,858 మందికి రెండు మోతాదులూ అందాయని అధికారులు వెల్లడించారు.

Read latest National - International News and Telugu News

Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని