లింకన్‌ వెంట్రుకలు.. టెలిగ్రామ్‌కు రూ. 60లక్షలు!

ఇంటర్నెట్‌ డెస్క్‌: అమెరికా మాజీ అధ్యక్షుడు అబ్రహం లింకన్‌ తల వెంట్రుకలు, రక్తపు మరకలతో తడిసిన ఓ టెలిగ్రామ్‌ను ఇటీవల వేలం వేయగా.. ఓ వ్యక్తి 81వేల డాలర్లు (దాదాపు రూ. 60 లక్షలు)కు సొంతం చేసుకున్నాడు. 1865 ఏప్రిల్‌ 15న జాన్‌ లిక్స్‌ బూత్‌ అనే వ్యక్తి లింకన్‌ను హత్య చేశాడు. ఆ తర్వాత లింకన్‌ మృతదేహానికి పోస్టుమార్టం నిర్వహించారు. ఈ సందర్భంగా రెండు అంగుళాల పొడువున్న ఆయన తల వెంట్రుకలను కొన్నింటిని కత్తిరించి పరీక్షలు నిర్వహించిన అనంతరం వాటిని లింకన్‌ బంధువు డాక్టర్‌ లిమన్‌ బీచర్‌టోడ్‌కు అప్పగించారు. అయితే వాటిని లిమన్‌ తన జేబులో ఉన్న ఓ టెలిగ్రామ్‌ను తీసి అందులో చుట్టి భద్రపర్చారు. ఇటీవల వాటిని వేలం వేయడంతో ఓ వ్యక్తి 81వేల డాలర్లకు కొనుగోలు చేశాడు.