చైనాలో సత్పలితాలిచ్చిన రెండో దశ క్లినికల్‌ ట్రయల్స్‌

బీజింగ్‌: చైనాలో రూపొందిస్తున్న కరోనా వ్యాక్సిన్‌ రెండో దశ క్లినికల్‌ ట్రయల్స్‌లో సురక్షితమని తేలింది. రోగనిరోధశక్తిని పెంపొందిస్తుందని లాన్సెట్‌ జర్నల్‌లో ప్రచురితమైన ఓ కథనం వెల్లడించింది. భద్రత, రోగనిరోధకశక్తిని అంచనా వేసేందుకు పరీక్షలు చేసినట్లు పేర్కొంది. కాగా గత పరీక్షలతో పోలిస్తే ఈ దశలో ఎక్కువ మందిపై ట్రయల్స్‌ జరిపినట్లు, వీరిలో 50 సంవత్సరాలు పైబడిన వ్యక్తులు కూడా ఉన్నట్లు తెలిపింది. అయితే ఈ టీకా కొవిడ్‌ నిరోధానికి సమర్థంగా పని చేస్తుందా అన్న అంశంపై ఇప్పుడే ఓ నిర్ణయానికి రాలేమని తెలిపారు. టీకా ఇచ్చిన తర్వాత తక్షణ ప్రతికూల ప్రభావం కోసం 30 నిమిషాలపాటు గమనించామని, తర్వాత 14 నుంచి 28 రోజుల వరకు పరిశీలనలో ఉంచినట్లు పేర్కొన్నారు. వ్యాక్సినేషన్‌  తర్వాత వ్యాధి నిరోధకాలు ఉత్పత్తి అయినట్లు వెల్లడించారు. దుష్ప్రభావాలు తక్కువ మందిలోనే కనిపించాని తెలిపారు.