గోసంరక్షణకు మంత్రివర్గ సమావేశం

భోపాల్‌: ఆవుల సంరక్షణ, పాడి అభివృద్ధి కోసం ఆదివారం మధ్యప్రదేశ్‌ ముఖ్యమంత్రి శివరాజ్‌ సింగ్‌ చౌహాన్‌ మంత్రివర్గ సమావేశాన్ని ఏర్పాటు చేశారు.  సీఎం తన నివాసం నుంచి వర్చువల్‌ మోడ్‌(వీడియో కాల్) పద్ధతిలో ఈ సమావేశానికి హాజరయ్యారు.‘గోపాష్టమి’సందర్భంగా  సమావేశం నిర్వహించి భగవంతుడు శ్రీకృష్టుడు, గోమాతకు అంకితమిచ్చారు.  గోవుల సంరక్షణతో రాష్ట్ర్రానికి ఆర్థిక స్వావలంబన చేకూరడమే ప్రధాన ఉద్దేశ్యమని ముఖ్యమంత్రి  వివరించారు.  గోవుల సంరక్షణ కోసం ప్రత్యేక మంత్రివర్గ సమావేశం ఏర్పాటు చేయనున్నట్లు బుధవారం శివరాజ్‌ సింగ్‌ ప్రకటించిన విషయం తెలిసిందే.. పశుసంవర్ధక, అటవీ, పంచాయతీ, గ్రామీణాభివృద్ధి, రెవెన్యూ, గృహ, వ్యవసాయ సంక్షేమ శాఖలు  గో సంరక్షణ మంత్రివర్గం కిందికి వస్తాయని తెలిపారు.