ఆ 36 మంది విదేశీయులు నిర్దోషులే..

తీర్పు వెల్లడించిన దిల్లీ కోర్టు

దిల్లీ: దేశంలోకి కరోనా వైరస్‌ ప్రవేశించి ప్రజలు భయాందోళనలకు గురవుతున్న వేళ దిల్లీలో జరిగిన తబ్లిగీ జమాత్‌ కార్యక్రమం చర్చనీయాంశమైంది. కేంద్రం జారీ చేసిన కొవిడ్‌ మార్గదర్శకాలు, వీసా నిబంధనలు ఉల్లంఘించారంటూ ఆగస్టు 24న పలువురిపై చార్జ్‌షీట్‌ దాఖలైంది. సెక్షన్‌ 269 (ప్రమాదకరమైన వ్యాధి సంక్రమణ పట్ల నిర్లక్ష్యం)తోపాటు పలు సెక్షన్ల కింద వారిపై కేసులు నమోదయ్యాయి. కాగా ఆ ఆరోపణలు ఎదుర్కొంటున్న 36 మందిని దిల్లీ న్యాయస్థానం నిర్దోషులుగా ప్రకటించింది. 14 దేశాలకు చెందిన 36 మంది విదేశీయులను నిర్దోషులుగా ప్రకటిస్తూ చీఫ్ మెట్రోపాలిటన్ మెజిస్ట్రేట్ అరుణ్‌కుమార్ గార్గ్ మంగళవారం తీర్పు వెల్లడించారు.

దిల్లీలోని నిజాముద్దీన్‌లో ఈ ఏడాది మార్చిలో తబ్లిగీ జమాత్‌ సమ్మేళనం జరిగింది. అయితే కొవిడ్‌ నిబంధనలు పాటించకుండా ఇష్టారీతిన కార్యక్రమం నిర్వహించారని, వీసా నిబంధనలు ఉల్లంఘించారని పలువురు తబ్లిగీ సభ్యులపై కేసులు నమోదయ్యాయి. నిబంధనలు ఉల్లంఘించడం ద్వారా వైరస్‌ వ్యాప్తికి కారణమయ్యారనే ఆరోపణలు వారిపై ఉన్నాయి. తాజాగా ఆ తబ్లిగీలను దిల్లీ కోర్టు నిర్దోషులుగా ప్రకటించింది.

ఇవీ చదవండి...

అత్తింట్లో మహిళా హక్కుల నిరాకరణ తగదు: సుప్రీం

అత్యాచార దోషులకు వంధ్యత్వ శిక్ష