రాజ్యసభ సభ్యుడిగా దేవెగౌడ ప్రమాణస్వీకారం

దిల్లీ: మాజీ ప్రధాని హెచ్‌డీ దేవెగౌడ (87) ఆదివారం రాజ్యసభ సభ్యుడిగా అడుగుపెట్టారు. జూన్‌లో కర్ణాటక నుంచి రాజ్యసభకు ఎన్నికైన దేవెగౌడ నేడు కన్నడలో ప్రమాణస్వీకారం చేశారు. 1996 నుంచి జనతాదళ్‌ (ఎస్‌‌) పార్టీ నుంచి రాజ్యసభకు ఎన్నికయిన మొదటివ్యక్తిగా మాజీ ప్రధాని నిలిచారు. ఆదివారం ఉదయం సమావేశం ప్రారంభమవ్వగానే సభ ఛైర్మన్‌ వెంకయ్య నాయుడు కొత్తగా ఎన్నికైన సభ్యులను ప్రమాణస్వీకారానికి ఆహ్వానించగా మాజీ ప్రధాని మాతృభాషలో ప్రమాణస్వీకారం చేశారు. అనంతరం స్పందించిన వెంకయ్యనాయుడు మాజీ ప్రధాని, సీనియర్‌ నేత రాకతో సభకు మరింత బలం చేకూరిందన్నారు.