నేపాల్ పర్యటనలో విదేశాంగ కార్యదర్శి..

కాఠ్‌మాండూ: భారత విదేశాంగ కార్యదర్శి హర్షవర్ధన్‌ శ్రింగ్లా రెండు రోజుల పర్యటనలో భాగంగా గురువారం నేపాల్‌ చేరుకున్నారు.  ఈ పర్యటనలో ఇరుదేశాల మధ్య ఉన్న విస్తృత ప్రాంతాల ద్వైపాక్షిక సహకారం గురించి ఆయన ఉన్నతాధికారులతో చర్చించనున్నారు.  ఆ దేశ విదేశాంగ కార్యదర్శి భరత్‌ రాజ్‌ పౌడ్యాల్‌ ఆహ్వానం మేరకు హర్షవర్ధన్‌ తొలిసారి నేపాల్‌కు వెళ్లారు. ఈ పర్యటనలో భాగంగా హర్షవర్ధన్‌  విదేశాంగ శాఖ మంత్రి ప్రదీప్‌ గ్యావాలి,  ప్రధానమంత్రి కేపీ శర్మ ఓలి, ఆ దేశ ప్రెసిడెంట్‌ విద్యాదేవి భండారీలతో సమావేశం కానున్నారు.  భారత్‌ సహకారంతో గోర్ఖాలో నిర్మించిన మూడు పాఠశాలలను శుక్రవారం సందర్శించనున్నారు. అనంతరం కొవిడ్‌-19 సంబంధిత సహకారం గురించి నేపాల్‌ ప్రభుత్వంతో చర్చించనున్నారు.