ఉల్లి ఎగుమతులపై నిషేధం ఎత్తివేత

దిల్లీ: ఉల్లిపాయల ఎగుమతులపై విధించిన నిషేధాన్ని కేంద్రం ఎత్తివేసింది. ఈ మేరకు కేంద్ర వాణిజ్య మంత్రిత్వ శాఖ సోమవారం నోటిఫికేషన్‌ విడుదల చేసింది. జనవరి 1 నుంచి అన్ని రకాల ఉల్లిపాయలను స్వేచ్ఛగా విదేశాలకు ఎగుమతి చేసుకోవచ్చని, ఎలాంటి నిషేధం ఉండదని తాజా ఉత్తర్వుల్లో పేర్కొంది. బెంగళూరు రోజ్‌, కృష్ణాపురం ఉల్లి రకాలను కూడా ఎగుమతి చేసుకొనేందుకు అవకాశం కల్పించింది.

భారత్‌లో కరోనా విజృంభణ నేపథ్యంలో సెప్టెంబర్‌లో ఉల్లి ఎగుమతులపై నిషేధం విధిస్తూ కేంద్రం నోటిఫికేషన్‌ ఇచ్చిన విషయం తెలిసిందే. అయితే, తాజాగా ఆ నోటిఫికేషన్‌ను రద్దు చేసిన కేంద్రం కొత్త సంవత్సరం రోజు నుంచే ఉల్లి ఎగుమతులకు అవకాశం కల్పిస్తూ నిర్ణయం తీసుకుంది. 

ఇదీ చదవండి..

ధర్మరాజును జూదంవైపు నడిపించింది ఏది?