కొవిడ్ ప్రపంచం: 6కోట్లకు చేరిన కేసులు!
ప్రపంచవ్యాప్తంగా కరోనా వైరస్ మహమ్మారి తీవ్రత కొనసాగుతూనే ఉంది. నిత్యం కొత్తగా దాదాపు 5లక్షల కేసులు బయటపడుతున్నాయి. దీంతో పాజిటివ్ కేసుల సంఖ్య 6కోట్లకు చేరింది.
వాషింగ్టన్: ప్రపంచవ్యాప్తంగా కరోనా వైరస్ మహమ్మారి తీవ్రత కొనసాగుతూనే ఉంది. నిత్యం కొత్తగా దాదాపు 5లక్షల కేసులు బయటపడుతున్నాయి. దీంతో పాజిటివ్ కేసుల సంఖ్య 6 కోట్లకు చేరింది. వరల్డోమీటర్ ప్రకారం, బుధవారం నాటికి ప్రపంచవ్యాప్తంగా 6 కోట్ల పాజిటివ్ కేసులు నమోదుకాగా వీరిలో 14లక్షల 17వేల మంది మృత్యువాతపడ్డారు. కరోనా సోకిన మొత్తం బాధితుల్లో ఇప్పటివరకు 4కోట్ల 30లక్షల మంది కోలుకున్నారు. మరో కోటి 70లక్షల క్రియాశీల కేసులున్నాయి.
కరోనా వైరస్ ప్రభావం అత్యధికంగా అమెరికాలోనే ఉన్న విషయం తెలిసిందే. ఇప్పటికే అక్కడ కోటి 25లక్షలకు పైగా కేసులు నమోదుకాగా మరణించిన వారిసంఖ్య 2లక్షల 60వేలకు చేరింది. రెండో స్థానంలో ఉన్న భారత్లో కేసుల సంఖ్య 92లక్షలు దాటగా వీరిలో లక్షా 34వేల మంది ప్రాణాలు కోల్పోయారు. వీటితో పాటు దక్షిణ అమెరికా, యూరప్ దేశాల్లో వైరస్ విజృంభణ కొనసాగుతూనే ఉంది. ముఖ్యంగా బ్రెజిల్, మెక్సికో, యూకే, ఇటలీ, ఫ్రాన్స్ దేశాల్లో వైరస్ తీవ్రత ఎక్కువగా ఉంది. రెండో దఫా విజృంభణతో యూరప్లోని కొన్ని దేశాలు మరోసారి లాక్డౌన్ ఆంక్షలను అమలు చేస్తున్నాయి. కరోనా తీవ్రత ఎక్కువగా ఉన్న కొన్ని దేశాలు(జాన్స్ హాప్కిన్స్ యూనివర్సిటీ ప్రకారం)..
దేశం కేసులు మరణాలు
అమెరికా 1,25,97,506 2,59,976
భారత్ 92,22,216 1,34,699
బ్రెజిల్ 61,18,708 1,70,115
ఫ్రాన్స్ 22,06,126 50,324
యూకే 15,42,623 55,935
ఇటలీ 14,55,022 51,306
మెక్సికో 10,60,152 1,02,739
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
తాజా వార్తలు (Latest News)
-
టీ20 ప్రపంచకప్నకు టీమ్ ఇండియాను మీరే ఎంపిక చేయండి!
-
సరిహద్దు దాటిన మానవత్వం.. భారతీయుడి దానంతో పాక్ యువతికి కొత్త జీవితం
-
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’
-
నేటి రాశి ఫలాలు.. 12 రాశుల ఫలితాలు ఇలా... (25/04/24)
-
ఎన్నికల బరిలో ‘పొలిమేర’ నటి..
-
శిక్షణ నుంచి తప్పించుకున్న గుర్రాలు.. లండన్ వీధుల్లో హల్చల్!