ఉగ్రవాదుల నుంచి విద్యార్థులకు విముక్తి

ఇంటర్నెట్‌ డెస్క్‌: నైజీరియాలోని కట్సిన రాష్ట్రంలో ఓ పాఠశాలకు చెందిన అనేకమంది మంది విద్యార్థులు కిడ్నాప్‌కు గురవడం ప్రపంచవ్యాప్తంగా సంచలనం సృష్టించింది. అయితే ఆ విద్యార్థుల్లో 300లకు పైగా చిన్నారులను సురక్షితంగా కాపాడినట్లు ఆ రాష్ట్ర గవర్నర్‌ అమినో బిల్లో మసారి వెల్లడించారు. అపహరణకు గురైన వారిలో 344 మందిని భద్రతా దళాలు రక్షించినట్లు ఆయన తెలిపారు. మిగిలినవారిని సైతం కాపాడేందుకు ప్రయత్నిస్తున్నట్లు పేర్కొన్నారు. 

కట్సినలోని 800 మంది విద్యార్థులున్న ఓ పాఠశాలపై గతవారం సాయుధులు దాడి చేయడం కలకలం రేపింది. ఈ దాడిలో పాఠశాలలోని చాలా మంది విద్యార్థులు తప్పించుకోగా 350కి పైగా విద్యార్థులను దుండగులు బంధించారు. బోకోహారమ్‌ ఉగ్రవాదులు ఈ కిడ్నాప్‌నకు పాల్పడినట్లు అధికారులు వెల్లడించారు. సురక్షితంగా కాపాడిన విద్యార్థులను వారి కుటుంబాల వద్దకు చేర్చేందుకు చర్యలు తీసుకున్నట్లు గవర్నర్‌ అమినో బిల్లో తెలిపారు.

ఇవీ చదవండి...

గుజరాత్‌లో మరో ప్రాణాంతక వ్యాధి

కోట్ల హృదయాలు గెలిచి కొవిడ్‌ ముందు ఓడారు