11.68లక్షల పరీక్షలు.. 70వేల కేసులు

దిల్లీ: భారత్‌లో కరోనా ఉద్ధృతి కొనసాగుతూనే ఉంది. గత 24 గంటల్లో దేశవ్యాప్తంగా 11,68,705 కరోనా నిర్ధారణ పరీక్షలు నిర్వహించగా.. 70,496 కేసులు వెలుగులోకి వచ్చాయి. దీంతో దేశవ్యాప్తంగా మొత్తం కేసుల సంఖ్య 59,06,151కి చేరింది. వీరిలో 8,93,592 మంది వివిధ ఆస్పత్రుల్లో చికిత్స పొందుతుండగా.. 59,06,069 మంది కోలుకొని ఇళ్లకు చేరుకున్నారు. ఇక కొత్తగా 964 మంది మహమ్మారికి బలయ్యారు. దీంతో ఇప్పటి వరకు కరోనా బారిన పడి మరణించిన వారి సంఖ్య 1,06,490కి పెరిగింది. ఇక దేశవ్యాప్తంగా రికవరీ రేటు 85.52 శాతంగా ఉండగా.. మరణాల రేటు 1.54 శాతంగా ఉంది.